ကိုဗစ်ဖြစ်ပြီးနောက် အဆစ်အမြစ်နဲ့ ကြွက်သားများ နာကျင်ကိုက်ခဲခြင်း
Category
ကျန်းမာရေး ဆိုင်ရာဗဟုသုတများ
ကိုဗစ်ဖြစ်ပြီးနောက်မှာ အဆစ်အမြစ်တွေ၊ ကြွက်သားတွေ နာကျင်တာမျိုး ဖြစ်တတ်ပါတယ်။ အိပ်ရာထဲမှာ ရက်ပိုင်းမျှ လှဲနေရတဲ့အခါ အဆစ်အမြစ်တွေ တောင့်တင်းတာ၊ ကြွက်သားတွေ အားနည်းတာ၊ ကိုက်ခဲတာ၊ နာကျင်တာ စတာတွေ ခံစားရတတ်ပါတယ်။ ဒီလို အဆစ်အမြစ်ကြွက်သားတွေ နာကျင်ကိုက်ခဲမှုတွေ သက်သာစေဖို့ -
1. အနေအထားတစ်မျိုးတည်းကို အချိန်အကြာကြီးနေတာမျိုး မလုပ်ပါနဲ့။
တောက်လျှောက်လှဲနေတာ၊ ထိုင်နေတာမျိုး မလုပ်ပါနဲ့။ တစ်နာရီခြားတစ်ခါလောက် မကြာမကြာ ပုံစံပြောင်းလဲပေးပါ။ ဘယ်/ညာစောင်းအိပ်တာ၊ အိမ်သာသွားတာ၊ မီးဖိုချောင်မှာ ရေသွားသောက်တာ၊ ပြတင်းပေါက်ကနေ အပြင်ကိုလှမ်းကြည့်တာမျိုးတွေ လုပ်ပေးပါ။
2. လှုပ်လှုပ်ရှားရှားနေပါ။
အခန်းထဲပတ်ပြီး လမ်းလျှောက်ပါ။ မပင်ပန်းတဲ့ အိမ်အလုပ်လေးတွေ လုပ်ပေးပါ။
3. အကြောလျှော့/ အကြောဆန့်ပေးပါ။
ကြွက်သားတွေ၊ အဆစ်အမြစ်တွေ ကောင်းကောင်းပြန်လည်အလုပ်လုပ်နိုင်အောင် ညင်ညင်သာသာ အကြောလျှော့/အကြောဆန့်ပေးပါ။ ဒီနည်းက နာကျင်မှုတွေကို အထိုက်အလျောက် သက်သာစေနိုင်ပါတယ်။
4. နာကျင်မှုကို လျှော့ချပါ။
နာကျင်တာတွေကို သက်သာစေဖို့အတွက် ဆေးလိမ်းတာ၊ ရေနွေးအိတ်ကပ်တာမျိုးတွေ လုပ်ပေးပါ။
5. ကိုယ်လက်ပြန်လည်သန်စွမ်းအောင် ပြုလုပ်ပါ။
ကိုယ်လက်ပြန်လည်သန်စွမ်းရေး ကျွမ်းကျင်ဆရာဝန်၊ ဆရာမတွေနဲ့ ဆက်သွယ်ဆွေးနွေးပေးပါ။ လိုအပ်သော လေ့ကျင့်ခန်းများ လုပ်ပေးပါ။ လေ့ကျင့်ခန်းပြုလုပ်တဲ့အခါ တစ်နေ့ကို နည်းနည်းချင်း စလုပ်ပြီး တဖြည်းဖြည်းချင်းမှ တိုးလုပ်ပေးပါ။
Credit >>>>> https://bit.ly/3C14xsh
